حقك علينا يا مصر

حقك علينا يا مصر

حقك علينا
يا مصر

يا
مصر شعبك كله حزين حقك علينا ما تزعليش

إحنا اللى قصرنا فى حقك لما أن انكتمنا عشان نعيش

سبنا الأعادى يبرطعوا و يدخلوا.. ويرجعوا

ويخربوا ويفرقعوا مين اللى باعنا..
ماتعرفيش

والحرب جوه.. من كامب ديفيد صهيون موساد

مليون طريقة للمفسدين صرف الفلوس.. زرع الفساد

طول عمرنا عايشين سوا حافظين لود أهلنا

الحب بينا والهوى نفرح ونحزن كلنا

وياما حاولوا يفرقوا ويقعوا ويصدقوا

وإحنا اللى فاهمين طبعهم ياريت نفوق بعضنا

والشعب ده عنصر واحد كل مطالبه الحرية

يا مصر فاهمة ومش فاهمة ستين سنة عايشه قضية

يقولوا مرة اشتراكية ومرة أحزاب ومنابر

ديمقراطية ميت جابر وفى الحقيقة عمودية

إيه اللى نيمنا ده كله أكبر ما فينا بقى
صغير

كلمات جميله جدا
تسلم الايادى